ಮಳೆಗಾಲದ ಸಮಯದಲ್ಲಿ ಸಾಮಾನ್ಯ ಜ್ವರ, ಮಲೇರಿಯಾ, ಡೆಂಗ್ಯೂ, ಚಿಕುನ್ ಗುನ್ಯಾ ಮೊದಲಾದ ಸಾಂಕ್ರಾಮಿಕ ರೋಗಗಳೂ ಆರಂಭವಾಗುತ್ತವೆ. ಸೂಕ್ತ ಮುನ್ನೆಚ್ಚರಿಕೆ ಕ್ರಮಗಳಿಂದ ಸಾಂಕ್ರಾಮಿಕ ರೋಗಗಳು ಒಬ್ಬರಿಂದ ಒಬ್ಬರಿಗೆ ಹರಡುವುದನ್ನು ತಡೆಯಬಹುದು. ಮುಖ್ಯವಾಗಿ ಈ ಋತುವಿನಲ್ಲಿ ಕೊಂಚ ಅನಾರೋಗ್ಯ ಕಾಣಿಸಿಕೊಂಡರೂ ತಡ ಮಾಡದೇ ತಕ್ಷಣವೇ ವೈದ್ಯರನ್ನು ಸಂಪರ್ಕಿಸಿ.

ರೋಗ ಪ್ರಸರಣ ತಡೆಯಲು ಹೀಗೆ ಮಾಡಿ :

• ಸೋಂಕಿತರನ್ನು ಪ್ರತ್ಯೇಕವಾಗಿ ಇರಿಸಿ ಚಿಕಿತ್ಸೆ ನೀಡಿ
• ಸೋಂಕಿತರ ಬಳಿ ಹೋಗುವಾಗ ಮಾಸ್ಕ್ ಧರಿಸಿ
• ಸೋಂಕಿತರ ಸಂಪರ್ಕಕ್ಕೆ ಬರುವವರು ಸಾಧ್ಯವಾದಷ್ಟು ಕೈಗವಸು ಬಳಸಿ
• ಆಗಾಗ ಸಾಬೂನು ಅಥವಾ ಹ್ಯಾಂಡ್ ವಾಷ್ ನಿಂದ ಕೈ ತೊಳೆದುಕೊಳ್ಳಿ
• ಸೋಂಕಿತರು ಇರುವ ಕೊಠಡಿಯನ್ನು ಶುದ್ದೀಕರಿಸಿ

ಇವನ್ನು ಮಾಡಬೇಡಿ :

• ಸೋಂಕಿನ ಲಕ್ಷಣ ಕಾಣಿಸಿಕೊಂಡಾಗ ಉದಾಸೀನ ಮಾಡಬೇಡಿ
• ಸೋಂಕಿತರ ವಸ್ತ್ರಗಳನ್ನು ಬರಿಗೈಯಿಂದ ಮುಟ್ಟಬೇಡಿ
• ಸೋಂಕಿತರ ಜತೆ ಒಂದೇ ಹಾಸಿಗೆಯಲ್ಲಿ ಮಲಗಬೇಡಿ
• ಸೋಂಕಿತರ ಹಾಸಿಗೆ ವಸ್ತ್ರಗಳನ್ನು ಒಗೆಯದೇ, ಬಿಸಿಲಿನಲ್ಲಿ ಒಣಗಿಸದೆ ಬಳಸಬೇಡಿ